Magna pan, carne e verdura che la vita la te dura

L'ostarìa bona ga d'aver: pan ke canta, vin che salta e formajo ke cola

Del vin, el primo; del cafe, el secondo; de la ciocolata, el fondo.

Quando i bigoli i riva in bòca, tuti i xe boni a magnarli

El pese ga da noar tre volte:  prima in tel'aqua, dopo ne l'ojo e la tersa nel vin

Ki fa ora magna, ki no fa ora magna e beve

Ki magna tanto rixo dopo ghe tòca bèare lagrime

Quando la fame la vien dentro da la porta, l'amore el va fora da la finestra

El  pan xe sempre duro par ki se lo gà guadagnà in onestà

El cafe xe bon scotènte, sèdente e par gnènte

El vin xe bon ciàro, amaro e avaro

"Tuti i gusti xe gusti"disèa queo che ciuciava un ciòdo

Lexi scrivi e tiente in mente: ki no magna no gà gnente

I mati crese sensa bisogno de darghe aqua

Se nega pi in tel vin ke in te l'aqua

Amòre, pansa e tose no i se poe scondare

Pan padovàn, vin vixentin, tripe trevixane e done venesiane

L'omo el xe come un saco: c'ol verxe a boca el mostra quel ch'el ga rento

La salata vòl el sal da un sapiente, l'axèdo da on avàro, l'ojo de on prodigo, misiàda da on mato, e magnàda da  n'afamà.

Ki va in leto sensa sena tuta la note se ramena

Val pì na fregoea  ke sa parlar, ke on mulin ke sa maxenar

Vin de fiasco: ala sera bon, ala matina guasto

L'omo ke ga paura de magnar, el ga paura de lavorar

La speransa xe come la late, dopo un tòco la diventa agra

Co le ciacole no se fa fritole

A dieta xe fasie da scumisiare col stomego xe pien de magnare

Uno no poe pensar ben, amar ben, e dormir ben se prima nol ga magna ben